Yara sa 50 ka mga pamilya apektado sang pagbaha sa Banga, South Cotabato.

17

Nagalab-ot sa masobra 30 tubtob 50 ka mga pamilya ang apektado sang pagbaha sa Sitio San Blas, Barangay Liwanay, Banga, South Cotabato tungod sa pagbubo sang mabaskog nga ulan kahapon nga adlaw.
May-angot sini, nagpatigayon na sang inisyal nga assessment ang Provincial Disaster Risk Reduction and Management Office, South Cotabato sa mga apektado nga residente sa lugar.
Ginsiguro man ni PDRRM Action Officer Rolly Aquino nga magapatigayon sang inspeksyon ang Operations Section sang PDRRMO South Cotabato kag magahimo sang rekomendasyon para indi na masulit ang nasambit nga insidente.
Ginpahayag niya man nga magapatigayon man suno pa sang food for work sa lugar agud nga malimpyohan ang canal nga ginaagyan sang tubig.


Facebook Comments