Ginaawhag sang Department of Labor and Employment ukon Dole 12 ang mga wala sang trabaho ukon ang mga bag-o graduates nga bentahaon ang ipatigayon nga “trabaho, negosyo, kabuhayan Jobs Fair” sang ahensya sa bahin sang KCC convention, General Santos City kadungan sang selebrasyon sang Independence Day sa Hunyo 12.
Ini matapos suno kay DOLE 12 Regional Director Sisinio Cano yara sa 5,000 ka mga bakante nga trabaho ang nagahulat sa mga job seekers sa diin sa nasambit nga numero 900 ang para sa overseas employment kag ang kadam-an na ang local nga trabaho.
Samtang partisiparan naman sang 82 ka employers ukon kumpanya ang nasambit nga jobfair.
Suno kay Cano nga madamo ang bakante nga posisyon para sa lokal nga trabaho kapareho sang service crew,production worker, household, attendant, bagger, production worker, stockman, operations,coordinator kag staff nurse.
Magapartisipar man suno pa sa jobfair ang Armed Forces of the Philippines, PNP, Navy kag BJMP.
Para naman sa mga nagapangita sang trabaho sa gwa sang pungsod ang mga bakante nga posisyon amo ang service crew, production ukon factory worker kag domestic worker.
Ginalauman naman sang pamunuan sang Dole 12 nga madamo ang magtambong sa nasambit nga jobfair kag madamo ang mahired on the spot.
Kadungan man sang nasambit nga aktibidad magarelease man sang P10 million nga kantidad sang livelihood assistance ang DOLE 12 sa mga beneficiaries sa North Cotabato, Sultan Kudarat, Saranggani kag South Cotabato.
