Nagalab-ot sa 60 ang inisyal nga mga nagpapili sang barangay kag Sangguniang Kabataan eleksyon sang Mayo 14 subong nga tuig ang gindeklarar nga overage kag underage base sa consolidated list sang Commission on Elections ukon Comelec South Cotabato.
Sa nasambit nga listahan pipila sa mga gindeklarar nga overage kag underage ang nagdaug sang nagligad nga eleksyon kag ang iban naman ang napierdi.
May-angot sini, ginkumpirmar ni Election Officer Nemia Española sa banwa sang T`boli duha ka mga SK Chairman kag isa ka SK Kagawad nga nagdaug ang nalakip sa listahan sang overage kag underage.
Apang makapungko pa ang nasambit nga mga SK opisyal tubtob nga wala suno sang mapaggwa nga kamanduan ang Comelec En Banc sa diskwalipikasyon sang mga ini.
Sa polisiya dapat ang nagpapili sa SK ang 18-anyos ukon 24-anyos gid sa adlaw sang eleksyon.
Samtang suno kay Maam Española yara na sa Department of Interior and Local Government ukon DILG ang masunod nga aksyon sa tion nga madiskwalipika ang isa ka SK opisyal.
