Yara sa 64 ka mga miyembro sang NPA nangransak sang puluy-an sa Brgy. Klube, Lake Sebu, South Cotabato.

Ginransak sang yara sa 64 ka mga miyembro sang New People’s Army ukon NPA ang puluy-an kag tindahan ni EdwinTamayao Agnes pasado alas 9:00 sang aga sang Enero 16, 2018 sa bahin sang Barangay Klube, Lake Sebu, South Cotabato.
Sa imbestigasyon, miyembro sang Platoon Roxas Range kag Platoon Samsung sang Guerilla Front 73 sang NPA nga ginapamunuan ni Elmer Lasib, alyas Bogs ang nagpangransak.
Nakuha sang mga ini ang Sony Camera nga nagakantidad sang P4, 000.00,Canon 6B camera nga may balor nga P140,000.00,Sony voice recorder nagalab-ot sa P7,000.00,Toshiba Notebook Computer nagakantidad naman sang P25,000.00, 3T mobile phone- P1,500.00, Binocular – P3,400.00 kag external memory card nagabalor sang P3,000.00.
Ginkuha man sang armado nga grupo ang kwarta nga nagakantidad sang P60,000, mga alahas nga nagakantidad sa P40,000.000 kag mga grocery items nga nagalab-ot naman sa P5,000.00.
Yara naman sa kabug-usan sa P309, 000.00 ang kantidad sang nakuha nga mga pagkabutang kag kwarta.
Gilayon naman nga nagpalagyo ang nasambit nga mga miyembro sang NPA paduong sa Sitio Bulol Lahak, Brgy. Klube sa nasambit nga banwa.