Wala sang byahe sa tanan nga rota sini ang Yellow Bus Line Incorporated ukon YBL sa Biyernes Santos, April 2 kag sa Huwebes Santo suno kay YBL Operations Manager Boy Par timprano naman ang ila nga last trip.
Katuyuan sini, suno kay Par nga hatagan sang panahon ang ila nga mga empleyado nga makapamalandong.
Magabalik sa normal ang ila nga operations suno kay Par sa Abril 3.
Samtang sa subong suno pa indi dagsa ang mga pasahero kumparar sang nagliligad nga tinuig nga nagadagsa kada semana santa.
Pahayag ni Par nga nagapabilin nga istrikto nga ginapatuman sang kumpanya ang minimum health protocols tungod sa padayon nga paandam sang COVID-19.
Pahanumdom naman sini sa mga pasahero nga kon mahimo timprano pa nga magbyahe kag sundon gid ang minimum health protocols kapareho sa pagsuksok sang facemask/faceshield, social distancing kag iban pa.
