TACLOBAN CITY – Gintagan nala hin tubtob bulan han Marso 2018 han Department of Interior and Local Government Region 8 an mga Local Government Units ha Eastern Visayas nga tikangan an ira post Yolanda Rehabilitation projects.
Sumala kan Myles Colasito, Public Information Officer han DILG Region 8, kun diri pa magamit han mga LGU’s an pondo nga gin-alotaga ha pag-rehabilitar han tagsa-tagsa nga pasilidad in igbabalik an kwarta ha National Treasury.
Ha kabug-osan in mayada 2,287 nga Recovery Assistance Yolanda Projects nga may sumatotal nga P2.5 Bilyones nga pondo nga gin-iimplementar ha ilarom hin tulo ka ray batch tikang pa han 2014. 229 dinhi an on-going an pag -construct ngan 145 an waray pa katitikangi.
Kadam-an nga proyekto nga waray pa katitikangi ha ray batch 2 ngan 3 in ha probinsya han Leyte nga gin-pondohan dida pa han 2014.
Dugang pa han opisyal, an rason han pagkadelatar han mga proyekto in waray kasusumiter an revised detailed engineering designs documents, realignment han un-utilized fund, issue ha tuna ngan road right of way, pagkadelatar han procurement ngan iba pa.
Ginpadad-an na hin notice han DILG an 145 nga LGU’s nga waray pa makagtikang han ira mga proyekto nga iimplementar ugsa pa matapos an bulan han Marso.
