ILOILO City – Nagpahayag sang disappointment si Vice Mayor Jeffrey Ganzon bangud wala sya nahatagan sang husto nga pag-acknowlegde sa Dinagyang Festival.
Suno kay Ganzon, wala sya nahatagan sang nagakaigo nga respeto bilang bise alkalde sang syudad.
Sa pihak sini wala man nagapati si Ganzon nga intentional ang indi pagmitlang sang iya ngalan. Dapat lang kuntani mga magsunod sa protocol ang organizer.
Pamatyagan ni Ganzon daw ginalikawan sang organizer ang iya hitsura bangud wala sya sa mga photo opportunities.
May mga higayun pa suno kay Ganzon nga wala siya sa programa kag hinali lang siya pahambalon nga daw kaangay nga ginabutang siya sa kahuy-anan.
Indi man direkta makatudlo si Ganzon kun sin-o ang sa likod sang indi pag-acknowledge sa iya.
Posible suno sa bise alkalde nga may naga-instruct man sa masters of ceremony.
Dugang pa ni Ganzon, naluoy sya sa values sang mga natungdan.
“Daw naham-ot lang ko. Naluoy ko sa ila values. [laughs]. Ako lang ya naluoy sa ila… Give respect to whom respect is due. Galing kay te sila wala garespect sa aton. Te ila na ya panan-awan. So that is, amo na tawag bala nga depende na sa upbringing mo. You cannot buy breeding,” ang pahayag ni Vice Mayor Jeffrey Ganzon sa interview sang RMN Iloilo.
