Yours Truly iFM
April 10, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Good afternoon mga bestfriends!
Ako gali si Jennifer kag may problema ako nga gusto ko tani pangayuan sang advice halin sa inyo.
May anak ako nga seven years old kag dugay ko na ginatago sa iya kag sa iya mga utod nga lain ang iya amay.
Angkunon ko mga bestfriends, nakahimo ako sang sala sang una pero ginpatawad man ako sang akon bana kag ginakabig niya man nga anak ang akon anak sa iban nga lalaki.
Pero gakabalaka gid ako kay kadamo sang nagamuno nga lain gid ang iya hitsura kumpara sa iya mga utod. Nakulbaan ako sang matabo kung mabal-an niya ang matuod nga ang iya ginakilala nga tatay indi niya matuod nga tatay.
Nag-istoryahanay na kami sang akon bana nga isugid sa iya ang matuod.
Ensakto bala ang amon himuon?
Yours Truly,
Jennifer
