Yours Truly iFM
April 29, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Good afternoon mga bestfriends!
Tagua niyo lang ako sa pangalan nga Zoren kag isa ako engineer.
Manugbalik na ako sa Manila kay natapos na ang amon project diri sa Iloilo pero may problema nga nagatublag sa akon.
Nakapabusong ako sang isa ka maestra. Na-love at first sight ako sa iya, ginpangaluyagan ko siya kag nangin kami.
Ginahagad niya ako nga magpakasal kami kay indi niya gusto nga ma-eskandalo siya sa eskuwelahan nga iya ginatudluan kag basi pahalinon siya kag madulaan sang trabaho.
Ang daku nga problema kay wala ko ginsugid sa iya nga may ara na ako asawa kag mga kabataan sa Manila.
Nagalibog ang ulo ko kung ano ang himuon ko?
Isugid ko bala sa iya o indi?
Ano ang maayo ko nga himuon?
Yours Truly,
Zoren
