*Yours Truly iFM*
*August 24, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Maayong hapon mga idol!
Ako gali si Joven, 40 years old kag isa ka single dad.
Mga idol, nagsulat ako sa inyo kay gusto ko tani mangayo sang advice.
Five years ago, nag-upod ang akon asawa sa iban nga lalaki. Ginbilin niya ang 10 years old namon nga anak sa akon. Ginhimo ko ang tanan para magbalikanay kami pero wala ko gid nakumbinse ang akon asawa. Pirti gid kasakit sang akon nabatyagan mga idol.
Damo ang nagahambal sa akon sang-una nga pabay-an ko na lang kag mag-focus na lang ako sa akon trabaho kag sa akon anak.
Ginhimo ko ang tanan para sa akon anak kag sa kaluoy sang Diyos nangin maayo man ang amon sitwasyon.
Ang problema ko subong kay nagapabatyag ang akon asawa. Nag-message siya sa akon nga nagbulaganay sila nga duha sang iya kerido kag ginbilin sa iya ang ila duha ka mga kabataan. Nagapangayo siya pasaylo sa akon kag gusto niya nga magbalikanay kami.
Akuon ko mga idol, naluoy ako sa iya. Galibog ang ulo ko.
Batunon ko pa bala siya o indi?
Ano ang maayo ko nga himuon mga idol?
Yours Truly,
Joven
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
