Yours Truly iFM
With RadyoMaN DJ Kat And RadyoMaN Bruno Banana
(Photo from Web)
Dear iFM,
Good day sa inyo tanan kag sa tanan nga mga listeners sang inyo programa.
Ako gali si Mitch, 40 years old kag dalaga sa gihapon.
Masami na gani nga ginatawag ako sang akon nga mga friends nga laon.
May brother ako nga nakapabusong sang iya ex-girlfriend.
Apelyido sang nanay ang dala sang anak nila.
Sang nagbulagay sila, lapsag pa lang ang bata kag ako na ang nag-atipan kag nagpadaku.
Seven (07) years old na subong ang bata kag ang utod ko nangasawa naman sang iban.
Last January nagbalik ang nanay sang bata kag naga-ayo nga hulamon niya ang iya anak kay nahidlaw man kuno siya.
Nahadlok ako nga basi indi na niya pag-ibalik ang bata sa akon. Ginakabig ko na gid nga akon anak ang bata kag masakit para sa akon nga kuhaon siya sa akon.
Ano ang himuon ko?
Nagapangayo gid ako sang inyo advice.
Yours Truly,
Mitch
