Yours Truly iFM
With RadyoMaN DJ Kat And RadyoMaN Bruno Banana
(Photo from Web)
Yours Truly iFM
December 11, 2017
Dear iFM,
Ako si Cristy, 38 years old, married with two (02) sons.
Ang husband ko isa ka seaman. Bag-o lang siya naghalin kag nine (09) months ang iya kontrata. Apat pa lang siya ka bulan siya nga nagasakay pero nanawag siya nga manaog kay ibaligya kuno ang ila barko.
Bestfriends, ang problema ko kay ang 30, 000.00 sa savings namon, napahulam ko kag makita niya gid ina sa passbook. Indi ko gusto magbutig sa iya. Ang amo nga kuwarta ginpahulam ko sa akon nga ex-boyfriend kay gingamit niya pagpa-opera sang iya nanay.
I swear, wala kami sang relasyon sang ex ko nga bestfriends. We remained friends through the years kag nangin maayo man siya sa akon kag sa akon pamilya sang kami pa. Nagbulig lang ako sa iya kag isa pa manugsakay naman siya liwat kay isa man siya ka seaman.
Ang problema ko subong kay maabtanay pa sila sang bana ko kag indi niya pa mabayaran ang iya ginhulam sa akon.
Sugidan ko bala ang bana ko? Gaduha-duha ako kay gina-selosan niya gihapon ang akon ex-boyfriend.
Hipsan ko na lang bala o isugid ko sa iya?
Madamo gid nga salamat.
Yours Truly,
Cristy
