Yours Truly iFM
December 18, 2019
With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Good afternoon mga bestfriends!
Tagua niyo lang ako sa pangalan nga Joey. Nagsulat ako sa inyo kay gusto ko tani mangayo sang advice parte sa akon problema.
Talagsa lang ako nagapauli sa balay kay isa ako sekyu mga bestfriends. Kag isa pa pirmi gab-i ang akon duty kag magasto man kung kada adlaw gid ako magpauli sa uma.
Ang problema ko mga bestfriends kay nagaduda ako sa akon asawa. Kapila na magtalang ang text niya sa akon para sa lalaki. Ginpamangkot ko siya kung sin-o tong lalaki isa ka beses pero hambal niya nga friend niya man lang kuno ato.
Daw indi gid ako maributay. Masami nga indi ako makatulog sang sobra ka panumdom. Damo abi ako nabatian nga istorya halin sa mga tupad namon balay nga may kerido kuno ang akon asawa.
Indi ako kabalo kung ano ang himuon ko mga bestfriends.
Kinahanglan ko gid ang inyo advice.
Yours Truly,
Joey
