Yours Truly iFM
December 18, 2017
With RadyoMaN DJ Kat And RadyoMaN Bruno Banana
(Photo from Web)
Dear iFM.
Maayong hapon sa inyo tanan.
Ako gali si Roda, 27 years old kag taga-Negros Occidental. Isa ako ka dalagang-ina kag may isa ako ka bata.
Ginbilin ko ang akon anak sa akon ginikanan kag nagkadto sa Manila para mag-ubra. Nakilala ko si Boy, soltero kag may stable nga ubra.
Nahibaluan ni Boy nga may anak ako sa pagkadalaga kag baton niya ang akon estado. Nagaupod na kami kag nagabusong ako subong lima na ka bulan.
Ang problema ko mga bestfriends kay indi niya gusto nga dal-on ko ang akon anak sa amon balay kay basi kuno makita sang iya pamilya. Indi man siya gusto mag-post ako sang
mga pictures sang akon anak sa Facebook kay basi kuno mahibal-an sang iya pamilya kag mga abyan nga may anak ako sa pagkadalaga.
Naluoy ako sa akon bata kag nag-guilty ako kay ginbilin ko siya sa akon ginikanan. Gusto ko man tani nga makaupod siya kag makita niya man ang iya manghod kung makabata
na ako.
Ano ang himuon ko? Gapangayo gid ako sang inyo advice.
Yours Truly,
Roda
