Yours Truly iFM
December 20, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Jona, 38 years old kag single.
Isa ako adopted mga bestfriends kag napatay na ang akon ginakilala nga mother last year kag subong si papa na lang ang akon upod sa balay.
Sa subong may nagapangaluyag sa akon nga ka-edad ko man pero separated siya sa iya asawa.
Ang problema kay indi gusto si papa nga mangaluyag siya sa akon. Kung magkadto gani siya sa balay, ginapabati-batian siya ni papa. Ginprangka ako ni papa nga basi bayaan ko siya kag pabay-an kung mamana na ako.
Gusto ko man tani magka-pamilya mga bestfriends.
Galibog ang ulo ko kung sin-o ang sundon ko?
Ano ang maayo ko nga himuon mga bestfriends?
Yours Truly,
Jona
