Yours Truly iFM
February 20, 2020
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo tanan mga bestfriends!
Ako gali si Princess, 24 years old, dalaga kag may stable nga ubra.
May problema gid ako subong kay may karelasyon ako nga tomboy pero indi gid kumporme ang akon iloy. Ginpaandaman ako ni mama nga kung sigehon ko pa ang amon relasyon, kalimatan ko na lang nga may iloy pa ako.
Humalin sang bata pa ako grabe gid ang paghalong kag pagpalangga ni mama sa akon. Pero palangga ko man ang akon karelasyon nga tomboy kag ginahimo niya man ang tanan para ipabatyag sa akon ang iya pagpalangga.
Galibog ang ulo ko kung sin-o ang pili-on ko sa ila nga duha mga bestfriends.
Ano ang maayo ko nga himuon?
Yours Truly,
Princess
