Yours Truly iFM
February 22, 2018
With RadyoMaN DJ Kat And RadyoMaN Bruno Banana
(Photo from Web)
Dear iFM,
Good afternoon bestfriends Kath and Bruno.
Ako gali si April isa ka teacher, 26 years old kag dalaga.
May boyfriend ako nga si Ely kag masulod na sa six (06) months ang amon relasyon. Nakilala ko siya kay ginhatag sang miga ko nga i-textmate ko kuno.
Nangaluyag siya sa akon kag ginsugot ko siya kag nangin kami. Pirmi niya ako ginasugat sa school kag halos adlaw-adlaw nagaupdanay kami.
Nakibot gid ako sang may nagbuyayaw sa akon sa eskwelahan kag nagpakilala nga asawa siya kuno ni Ely.
Ginpamangkot ko ang akon boyfriend kag gin-explain niya sa akon nga ex-girfriend niya lang kuno ang babae kag ginbulagan niya ugaling indi magpasugot.
Ginpahog niya ako nga kung indi ko pag-untaton ang amon relasyon ni Ely, isugid niya ako sa principal sang eskwelahan para mapahalin ako.
Ano ang himuon ko mga bestfriends?
Yours Truly,
April
