Yours Truly iFM
February 26, 2018
With RadyoMaN DJ Kat And RadyoMaN Bruno Banana
(Photo from Web)
Dear iFM,
Maayong hapon sa inyo mga bestfriends.
Ako gali si Angeline, may bana kag may isa ka anak nga napangidaron sang lima ka tuig.
Halin sang una mga bestfriends, bisyo na gid sang akon bana ang mag-inom sang makahulubog nga ilimnon. Pero maayo siya nga provider. Isa siya ka mekaniko kag may kaugalingon siya nga repair shop.
Ang problema kay maoy siya kung mahubog. Naglayas ako sa amon balay kay gintampa niya ako sa atubang sang iya amigo sang ginsaway ko siya kag ginsugat sa ilimnan para magpauli na.
Ang amon anak ginbilin ko sa iloy sang akon bana.
Nag-text ang akon bana kag nagapangayo pasaylo kag gaayo nga magpauli na ako sa amon balay.
Patawaron ko bala siya mga bestfriends kag magpauli sa amon balay?
Ano ang himuon ko? Please advise me.
Yours Truly,
Angeline
