Yours Truly iFM
January 13, 2020
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Ronald kag pirmi gid ako nagapamati sa inyo programa kada adlaw kag amo lang ini ang akon lingaw samtang nagaubra ako.
Nagpadala ako sang sulat sa inyo mga bestfriends kay may problema ako nga gusto ko gid pangayuan sang advice.
Akuon ko mga bestfriends, nakasala ako sa akon asawa. May naka-relasyon ako nga asawa sang seaman. Nag-umpisa man lang sa lahug-lahog ang tanan. Wala gid ako nag-expect nga mangin seryoso ang amon relasyon.
Subong bag-o lang nagpauli ang iya bana kag nagaselos ako. Indi ako kabalo sang himuon ko.
Ano ang maayo ko nga himuon mga bestfriends?
Kinahanglan ko gid ang inyo advice.
Yours Truly,
Ronald
