Yours Truly iFM
January 22, 2020
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Good afternoon mga bestfriends!
Ako gali si Sheena, 16 years old kag isa Junior High School student.
Two years old pa lang ako sang napatay ang akon father. Kag humalin sadto si lola ko na ang nag-atipan sa akon kay naglakat sa abroad si mama. Maayo man ang akon sitwasyon kay wala man ako ginapabay-an ni lola kag ginahatag niya man ang tanan ko nga mga kinahanglanon.
Namana liwat si mama kag may ara siya nga duha ka mga kabataan. Gusto niya ako kuhaon kay lola kag didto maistar upod sa ila.
Ang problema ko mga bestfriends kay indi ako komportable upod sa ila. Ginapabantay ako ni mama sang akon mga manghod kag ginapabulig sang ubra sa sulod sang balay. Indi man ako maka-focus sa akon pag-eskuwela. Indi man siling nga indi ako gusto mag-ubra pero nabalaka ako kay lola kay tigulang na siya kag wala na sang gaatipan sa iya.
Gusto ko gid makatapos sang pag-eskuwela kay gusto ko gid balikan si lola sang tanan nga kaayo nga nahimo niya para sa akon.
Gusto ko sa poder lang ako ni lola.
Ano ang maayo ko nga himuon mga bestfriends?
Yours Truly,
Sheena
