Yours Truly iFM
January 22, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong mga bestfriends kag sa tanan nga mga tagpalamati sang inyo istasyon.
Ako gali si Gina sang Duenas mga bestfriends kag paborito ko gid ang inyo ang istasyon.
Nagsulat ako sa inyo kay may problema ako parte sa akon anak nga tawgon ta lang kay Jackie.
Nagdaku siya nga wala ako sa tupad niya kay isa ako ka OFW. Sang pagpauli ko damo ako naobserbahan nga daw indi ko nauyunan. Ang bana ko ang nagpadaku sa iya samtang ako pakadto pabalik sa abroad. Wala man abi sang stable job ang akon bana rason nga napilitan ako maglakat sa abroad para makaubra.
Naanad ang akon anak nga magtulog upod sa iya pakaisa nga lalaki sa kuwarto kag gatupad pa sila sa hiligdaan kung magtulog. Daw may lain ako nga nabatyagan kay daw iba gid ang ila pagtamdanay kag sweetness bilang magpakaisa.
Gusto ko tani siya sawayon ugaling natahap ako kay basi mag-away kami nga duha.
Ano ang maayo ko nga himuon?
Yours Truly,
Gina
