Yours Truly iFM
January 24, 2018
With RadyoMaN DJ Kat And RadyoMaN Bruno Banana
(Photo from Web)
Dear iFM,
Good afternoon mga bestfriends kag sa tanan nga mga listeners sang inyo istasyon.
Ako gali si Marlinda. May tatlo ako ka mga kabataan kag ang akon bana nagaubra sa isa ka bangko diri sa city. May posisyon siya sa iya ginaubrahan nga bangko mga bestfriends.
Busy ako sa akon negosyo kag sa amon mga kabataan. Apang, nakibot gid ako mga bestfriends sang nanugid ang akon anak nga may relasyon kuno ang akon bana kag ang amon kabulig nga tawgon ta lang kay Mary Ann.
Pirti gid kasakit mga bestfriends kay ginkabig namon si Mary Ann nga miyembro sang amon pamilya. Tungod sa akon kaakig, ginpahalin ko si Mary Ann sa amon balay kag nakita ko gid kung paano siya gin-apinan kag gin-asikaso sang akon bana.
Gin-confront ko ang akon bana pero todo-deny gid siya kag indi siya mag-ako nga may relasyon sila ni Mary Ann.
Sa subong, nagbulagay na gid kami sang akon bana. Gatumar ako sang bulong para sa akon anxiety kag depression mga bestfriends kay para bisan sa paagi man lang sini maghagan-hagan ang akon nabatyagan nga kasakit tungod sang natabo sa akon kabuhi.
Ano ang ubrahon ko para maka-move on mga bestfriends?
Yours Truly,
Marlinda
