Yours Truly iFM January 7 Thursday

14

*Yours Truly iFM*
*January 7, 2021*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,


Tawga nyo lang ako kay Lea, single, 20years old from Tigbauan.

3rd year college na kuntani ako sa isa ka University diri sa Iloilo pero tungod sang pandemic nagsara ang gina obrahan ni Papa. Mga idol nagalain gid ang akon buot kay wala na ako maka enroll sa on line class pero ano ang mahimo ko kay wala na si Papa inug gasto sa ako.

Anom kami nga mag-ulutod kag indi man sa pagpadayaw ako lang gid ang nagtutumon sa pag-eskwela kay sila tanan nagpalangabuhi na.

Para makabulig sa pamilya, nagtrabaho ako sa balay sang isa ka manggaranon nga negosyante. Bale ako ang iya nga nangin yaya, manugserbi sang pagkaon kag manug painom sang iya mga bulong kay ini sya balo na. Ako man ang naga-upod sa iya sa mga bank transactions. Ining tawo lapit na mag senior citizen kag puro sa US ang iya 3 ka kabataan.




Kahuluya man tani hambalon mga idol pero sa almost 1 year nga pag asikaso ko sa iya daw may lain na ini sya nga tinutuyo.

Ginpatawag nya si Papa sa iya puluy-an kag gin istorya parte sa akon pag eskwela.

Luyag kuno niya ako paeskwelahon pero dapat ko anay sya mga pakaslan. Maayo kuno ako mag-atipan kag nahulog na ang buot niya sa akon. Maluwas sina ginpasalig niya si Papa nga buligan sa amon pagpangabuhi para makatibawas kami sa kapigaduhon. Nagapasalamat man ako kay Papa bangud wala niya ako ginapilit kag ako ang iya gina pa desisyon.

Daw gin pangidlisan ako sang akon nabatian mga idol apang nagsulod man sa akon panghuna-huna nga what if mangin practical na lang ako. Pero naga agam agam man ako nga kun pakaslan ko sya mahimo na niya ang iya luyag sa akon.

Indi ako mapahamtang subong samtang ari pa ako naga atipan sining tigulang. I am mentally disturbed mga idol.

Palihog paathag sa akon kun ano ang nagakaangay nga himuon.

Thank you mga idol and goodafternoon!

Yours Truly,

Lea

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM Iloilo*

Facebook Comments