Yours Truly iFM
July 02, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo mga bestfriends!
Ako gali si Tin-tin kag nagpadala ako sang sulat sa inyo kay may problema ako nga gusto ko gid pangayuan sang advice sa inyo.
Only child lang ako mga bestfriends kag anak ako ni mama sa pagka-dalaga. Hasta subong wala man gihapon bana ang akon iloy kag duha na lang kami nga nagapangaguhi.
Overprotective gid si mama si akon kay indi niya gusto maagyan ko ang natabo sa iya.
May boyfriend ako kag gusto ko gid tani siya ipakilala kay mama. Ugaling nahadlok kay basi indi siya magsugot kag mamalabag siya sa amon relasyon ni Jessie.
Nag-desisyon kami nga taguon na lang namon ni Jessie ang amon relasyon. Ugaling na-guilty man ako mga bestfriends.
Galibog ang ulo ko. Ano ang maayo ko nga himuon?
Yours Truly,
Tin-tin
