Yours Truly iFM July 31, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
May problema ako nga gusto ko gid pangayuan sang advice halin sa inyo.
Tawga niyo lang gali ako sa pangalan nga Jessa, indi ko matuod nga pangalan. Nahuya abi ako mag-gamit sang matuod ko nga pangalan kay basi may makilala sa akon.
Ang problema ko parte sa akon ex-boyfriend. Nag-break kami kay nadakpan ko siya nga may iban nga babaye.
Pirmi niya ako ginakulit subong kag gapakigkita man ako sa iya kag nagakatabo man gihapon kami nga duha. Akuon ko, naluyag man gihapon ako sa iya.
Galibog ang ulo kag indi ko maintidihan ang estado sang amon relasyon.
Kami pa gid man bala o indi na?
Kinahanglan ko gid ang inyo advice.
Yours Truly,
Jessa
