Yours Truly iFM
June 04, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo mga bestfriends kag sa tanan nga mga listeners sang inyo istasyon.
Ako gali si Mary Ann kag nagdesisyon ako nga magpadala sang sulat sa inyo tungod kay may problema ako parte sa akon boyfriend. Masulod na sa duha ka semana nga daw indi ako mapahamtang.
Seaman ang akon boyfriend mga bestfriends. Sang nagasakay pa siya, hambal niya sa akon mga May ang iya pauli pero wala niya ginsugid sa akon ang exact date.
Nakibot na lang ako sang nakita ko ang akon boyfriend nga gakaon sa isa ka restaurant sa mall nga may upod nga babae.
Gusto ko gid tani siya komprontahon sa oras nga ato, pero ginpunggan lang ako sang akon amiga. Gin-text ko siya kag gin-message sa Facebook messenger parte sa akon nakita. Wala gid siya nagap-reply kag wala man siya gasabat kung tawgan.
Ang nasakitan ko lang mga bestfriends kay wala man kami sang gin-awayan bag-o siya magpauli. Maayo pa man ang amon istoryahanay sang ulihi niya nga panawag sa akon.
Galain gid ang buot ko kag nasakitan gid ako.
Ano ang maayo ko nga himuon mga bestfriends?
Yours Truly,
Mary Ann
