Yours Truly iFM
June 5, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends! Ako gali si Cardo kag may problema ako nga gusto ko pangayuan sang advice halin sa inyo.
Umpisa sang nahagadan sang amon tupad balay nga mahampang sang mahjong ang akon asawa, naadik na siya.
Wala man tani problema sa akon kung maghampang siya basta indi niya lang tani pagpabay-an ang amon panimalay kag mga kabataan. Ugaling kay ginapasulabi niya pa ang iya panahor kay sa iya obligasyon sa sulod sang amon panimalay.
Pirmi lang kami nagainaway kay kapila ko na siya ginhambalan pero indi siya mamati sa akon.
Nagamuhan na gid ako sang amon pangabuhi.
Ano ang maayo ko nga himuon?
Yours Truly,
Cardo
