*Yours Truly iFM*
*June 12, 2020*
*With RadyoMaN DJ Kat And RadyoMaN Bruno Banana*
*(Photo from web / No Copyright Infringement)*
Dear iFM, Good afternoon mga bestfriends! Tawga niyo lang ako sa pangalan nga Ronilo, 30 years old, may asawa kag duha ka mga kabataan. Nagsulat ako sa inyo kay may problema ako nga gusto ko gid pangayuan sang advice halin sa inyo. Ang problema ko parte sa akon karelasyon. Akuon ko nakasala ako sa akon asawa kag ginatublag gid ako sang akon konsensya. Ang akon kabit nakilala ko sa akon ulubrahan. Naluyag siya kuno sa akon kay pirmi ko siya napakadlaw. Sa akon niya lang nabatyagan ang kalipay nga wala niya nabatyagan sa iya bana. Kapila na kami natabo pero wala man sang dapat kabalak-an kay dugay na siya nga gin-operahan kag ginkuha ang iya matres. Lingaw-lingaw man lang tani sang-una ang akon mga bestfriends. Pero samtang nagadugay, nabudlayan siya nga magbulag sa akon. Nakonsensya ako sang akon ginahimo kag nahadlok ako nga madiskubrehan ni misis ang akon ginahimo nga sala. Ano ang maayo ko nga himuon? Yours Truly, Ronilo
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
