Yours Truly iFM June 26, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Gusto ko tani mangayo sang advice sa inyo parte sa akon girlfriend.
Ako gali si Lance, single kag isa ka seaman.
Bag-o lang ako nakapanaog sa barko mga bestfriends. Nakibot gid ako sang pagpuli ko diri sa Iloilo nga nagabusong na ang akon girlfriend kag manugbata na.
Gusto niya pakaslan ko siya kuno after niya bata. Pero nagaduha-duha ako kung akon gid man ang ginabusong niya kay wala gid siya sang may ginhambal sa akon sang yara pa ako sa barko.
Akuon ko mga bestfriends may natabo na sa amon sang akon girlfriend. Pero daw palaligban para sa akon ang pagbusong niya kay malapit isa ka tuig ang akon sakay.
Galibog ang ulo ko kung pakaslan ko siya o indi. Ang ginakabalaka ko lang kay basi masagod ako sang indi akon kadugo.
Kinahanglan ko gid ang inyo advice.
Yours Truly,
