Yours Truly iFM
March 13, 2018
With RadyoMaN DJ Kat And RadyoMaN Bruno Banana
(Photo from Web / No Copyright Infringement)
Dear iFM,
Maayong hapon sa inyo nga tanan.
Ako si Lea Grace sang Passi. My bana ako pero separated na kami mga pito na ka tuig.
May boyfriend ako, 40 years old kag may duhaka mga kabataan. Baton ako sang iya mga kabataan kag ginakabig man nila ako nga second mother nila.
Pito na kami ka bulan naga-live-in kag nabatyagan ko nga naglain na siya. Pirmi lang siya may ginaistorya sa cellphone kag nagapalayo gid sa akon kung mag-istorya.
Isa ka bes, nabilin ang iya cellphone sa kuwarto kag may nagtawag nga babae. Ginbuyayaw ako kag ginpamangkot kung ngaa ginsabat ko kuno ang cellphone sang iya bana.
Ka-live-in niya man gali ang nagtawag kag amo to ang nanay sang iya mga kabataan.
Ginhangkat ko siya magbulagay pero indi siya magpasugot.
Ano ang himuon ko? Please advice me.
Yours Truly,
Lea Grace
