Yours Truly iFM
March 16, 2020
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Sonia kag isa ako ka laon.
May ara ako gamay nga negosyo kag sa kaluoy sang Diyos maayo man ang akon income.
Nagaisahanon na lang ako gani nagdesisyon ako nga pa-eskuwelahon ko ang isa sa mga anak sang akon tupad balay nga damo mga kabataan para may upod man ako.
Ang problema ko kay ginaabuso sang iya mga ginikinan ang akon kaayo. Kadamo na sang ila utang sa akon tiyangge kag ginaaway pa nila ako kung indi ko sila pagpautangon. Ginapahog pa nila ako nga bawion nila ang ila anak kung indi ko sila pagpautangon kag pahulamon.
Naluoy tani ako sa bata pero daw indi ko na mauyunan ang ginahimo sang iya mga ginikanan.
Ano ang maayo ko nga himuon?
Yours Truly,
Sonia
ags:Luzon,Visayas,Mindanao,Kandingmybangs, iFM Fans Club OFW Chapter, iFM iloilo
