Yours Truly iFM
March 26, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Lorena kag may problema ako nga gusto pangayuan sang advice halin sa inyo.
Akuon ko mga bestfriends nga nakahimo ako sang sala sa akon bana sang yara sa abroad naga-trabaho.
Gin-ako ko man sa iya ang akon sala kag nangayo ako sang pasaylo sa iya. Ginpasaylo niya man ako kag nagaupod na kami subong kay nagpauli na siya diri sa Iloilo.
Nabatyagan ko nga naglain na ang iya pagtrato sa akon. Bisan mag-make love kami, nabatyagan ko nga daw indi na gid pareho sang una.
Gakainsulto ako mga bestfriends. Gusto ko gid tani mabalik sa dati ang amon pag-updanay.
Ano ang maayo ko nga himuon?
Yours Truly,
Lorena
