Yours Truly iFM
May 08, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Gina, 40 years old, may bana kag duha ka mga kabataan.
Nagsulat ako sa inyo kay gusto ko gid pangayuan sang advice ang akon problema parte sa akon bana nga isa ka pulis.
Nadakpan ko ang akon bana nga may kerida. Nabasahan ko sa iya cellphone ang ila bayluhanay sang text messages sang nalimtan niya ang iya cellphone sa balay sang naglakat siya pakadto sa duty.
Gin-confront ko siya pero indi siya mag-ako. Nag-away kami kag napatup-an niya ako sang iya kamot. Nangayo man siya pasaylo sa natabo. Pero kasakit gid sang akon nabatyagan mga bestfriends kay first time niya ato ginhimo sa akon.
Sala bala ang ginhimo ko nga pag-confront sa iya? Kung ka isa gaisip ako nga magbulag na lang sa iya.
Ano ang himuon ko? Kinahanglan ko gid ang inyo advice.
Yours Truly,
Gina
