Yours Truly iFM May 16, Thursday

15

Yours Truly iFM
May 16, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)

Dear iFM,


Good afternoon mga bestfriends!

Ako gali si Richard kag may problema ako subong nga gusto ko gid pangayuan sang advice sa inyo.

Nagbulagay kami sang akon live-in partner kay pirmi lang kami nagainaway. May anak kami nga isa ka bilog kag ginbilin niya sa akon. Ako ang nag-atipan kag nagpadaku sang amon anak.

Subong nga daku na ang amon anak, gusto niya na bawi-on sa akon kag gusto niya nga dal-on kag didto na mag-istar upod sang iya bag-o nga pamilya.

Gaduha-duha ako nga magpasugot kay dalagita na ang akon anak. Indi ako makasiguro kung ano ang mangin treatment sang bana sang iya iloy sa iya.

Nag-istoryahanay na kami sang akon anak kag nagaayo siya nga sa akon lang siya maupod kay wala ko man kuno siya ginapabay-an.

Ginapahog ako sang akon ex live-in partner nga kasuhan kung indi ako magpasugot nga ihatag sa iya ang amon anak.

Ano ang maayo ko nga himuon?

Kinahanglan ko gid ang inyo advice.

Yours Truly,

Richard

Facebook Comments

From Advertisers