Yours Truly iFM
May 25, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo tanan mga bestfriends!
Pirmi gid ako nagapamati sa inyo programa paagi sa inyo live streaming. Ako gali si Lea kag diri ako sa China nagaubra bilang isa ka English teacher.
Nagpadala ako sang sulat sa inyo kay may nagatublag gid sa akon subong. May nag-add sa akon sa Facebook nga isa ka babae kag gin-chat niya ako. Ginpadalhan niya pa gid ako sang pictures kag nakibot gid ako mga bestfriends kay ara sa mga pictures ang akon bana nga gakatulog kag may hulid nga babae sa sulod sang isa ka kuwarto.
Ginkompronta ko ang akon bana pero ginrason niya nga hubog siya kuno kag ara man ang iya mga amigo kay upod sila nag-inom.
Daw malupok ang akon dughan mga bestfriends kag daw gusto ko magpauli dira sa Pilipinas kay nahadlok ako nga basi wala na ako sang bana nga balikan dira sa Pilipinas.
Ano ang maayo ko nga himuon mga bestfriends?
Yours Truly,
Lea
