*Yours Truly iFM*
*November 02, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Maayong hapon mga idol!
Ako gali si Zenaida mga idol, taga-La Paz, 30 years old, kag dalaga kag naga-trabaho bilang isa ka kabulig.
Nagsulat ako sa inyo mga idol kay gusto ko tani mangayo sang advice sa inyo parte sa akon problema.
Ang problema ko parte sa akon boyfriend nga foreigner. Nag-message siya sa akon mga nagpadala siya kuno kuwarta sa akon para budget sa amon kasal paagi sa online banking. Pero may kondisyon nga bag-o ko makuha ang kuwarta, dapat padal-an ko siya anay sang 60 thousand para pambakal sang ticket niya pakadto diri sa Pilipinas.
Naga-plano na abi kami nga magpakasal mga idol. Galibog ang ulo ko kung sa diin ako makuha sang kuwarta nga ipadala sa iya. Pobre ang amon pamilya kag mabudlayan gid ako makakita sang amo na kadaku nga kantidad.
Ano ang maayo ko nga himuon mga idol?
Kinahanglan ko gid ang inyo advice.
Yours Truly,
Zenaida
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
