Yours Truly iFM November 11, 2021 With iDol Julee Strawberry And iDol Bruno Banana (Photo from web/No Copyright Infringement)
Dear iFM,
Maayong hapon iDol Bruno kag iDol Julee.
Ako si Sonia sang Capiz, 52years old, balo kag may 3 ka kabataan nga lunsay na professionals kag may mga kaugalingon na nga pamilya.
Nagaisahanon ako sa amon balay pagkatapos nga nagtaliwanan ang akon bana sang nagligad nga tuig tungod sa Covid-19.
Before ako namana sang naga edad plang ako sang 25 anyos may yara ako nobyo nga akon gid 1st love. Ngabulagay lang kami tungod nga ginpakasal ako sang akon ginikanan sa lalaki nga gusto nila para sa akon.
masakit man matuod pero wala ako mahimo sang tion nga ato kay kun ano ang kagustuhan sang nga ginikanan amo ang matuman.
Ang akon first love madugay na nga nabalo kag estable naman ang iya mga kabataan.
Sang iya nabalitaan nga balo na ako iya ako ginkadtuan kag gin-istorya nga kun pwede na namon balikan ang amon nakaraan kay indi pa man ulihi ang tanan. Sa tuod lang mga iDol say sa gihapon ang unod sang akon tagipusuon.
Sa iya mga kabataan wala gid problema ugaling ang akon mga kabataan naga protesta. Katigulang na kuno sa akon para mag gugma-gugma pa.
Mga iDol sa inyo abi, ang isa ka tigulang wala na bala karapatan nga maghigugma kag mangalipay?
Yours Truly,
Sonia
