Yours Truly iFM November 27 Friday

13

*Yours Truly iFM*
*November 27, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,


Good afternoon mga idol!

Ako gali si Ariana, 30 years old, taga-Davao City gid ako pero diri ako subong naga-stay sa Iloilo.

Mga idol, mangayo tani ako sang advice sa inyo. Ang problema ako parte sa akon live-in partner.

Mga one year and three months na kami nagalive-in mga idol pero wala pa kami sang bata.




Ex-abroad ako mga idol kag nagpauli ako diri sa Pilipinas para nga magpakasal na tani kami subong nga tuig.

Pero may nanutaran ako sa iya mga idol. Ginabawalan niya ako nga mamangkot o manawag sa iya kag damo lang siya rason. Kag natingalahan ko pa gid nga pirmi siya akig kung may ginapamangkot ako sa iya.

Nasakitan gid ako sang ginahimo niya sa akon mga idol. Nag-ubra ako sa iban nga pungsod kag siya nagabaton lang sang kuwarta nga padala ko tapos ginahimo niya pa ini sa akon. Kung kaisa nagapanumdom ako sang indi amo kaangay sang pagpatay sa iya tungod sang akon kaakig sa iya.

Nagaduha-duha na ako magpakasal sa iya mga idol.

Ano ang dapat ko himuon mga idol? Mapakasal pa bala ako sa iya o indi na lang?

Hulaton ko ang inyo advice mga idol.

Yours Truly,

Ariana

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM Iloilo*

Facebook Comments