*Yours Truly iFM*
*October 2, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Maayong hapon mga idol!
Ako gali si Jomar sang Arevalo, 20 years old kag soltero.
Mga idol, handum ko gid tani nga makatapos sa pag-eskuwela para mag-asenso man sa pangabuhi. Ugaling wala na ako sang parents nga makasuporta sang akon pag-eskuwela. High school lang ang natapos ko kag subong bisan ano lang nga ubra ginapatulan ko para maka-income.
Bata pa ako sang napatay ang akon nanay. Si tatay ko buhi pa man pero daw kaangay lang nga wala na siya kay wala niya man ako ginaatipan kag daw wala siya pakialam sa akon. Maayo gani kay may tiya pa ako nga naga-ulikid kag nagbulig sa akon nga makakaon kag maka-eskuwela.
Ginprangka ako sang akon tiya nga indi niya na masarangan nga mapa-eskuwela pa ako sa college kay mas priority niya mapatapos ang iya mga kabataan. Pero naghambal siya nga kung makahulat ako gamay, pa-eskuwelahon niya ako kung medyo stable na ang iya mga kabataan.
Naglain ang buot ko mga idol pero na-realize ko nga wala man ako sang karapatan nga maglain buot sa akon tiya kay indi niya obligasyon ang pagpa-eskuwela sa akon.
Sa subong indi ako kabalo kung ano ang himuon ko mga idol. Kung kaisa daw gusto ko tomboyon ang akon amay sang iya kakulangan sa akon.
Ano ang maayo ko nga himuon mga idol?
Kinahanglan ko gid ang inyo advice.
Yours Truly,
Jomar
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
