Yours Truly iFM
October 11, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon sa inyo mga bestfrieds!
Pirmi gid ako nagapamati sa inyo istasyon kag amo man ini ang akon kalingawan kada adlaw samtang nagapanglimpyo ako kag nagapanghimos.
Ako gali si Mona kag isa gali ako kabulig mga bestfriends. Nagsulat ako sa inyo kay mangayo tani ako sang advice parte sa kon problema.
Isa na ako ka tuig nga nagaubra sa akon amo. Ang problema ko subong kay ginapasibangdan ako sang akon ama nga nagapangawat sang ila mga gamit.
Nagalain gid ang buot ko mga bestfriends. Ginasumpa ko sa langit nga wala gid ako nagapanguha sang ila mga gamit diri. Malimpyo ang akon konsensya. Ang matuod mga bestfriends, nadakpan ko ang ila anak nga lalaki nga amo ang nagapanguha sang ila mga gamit.
May bisyo abi ini siya kag napilitan lang guro mangawat kay wala man nila ginatagaan sang kuwarta.
Daw gusto ko tani isugid sa akon ama galling nagaduha-duha ako kay basi indi niya ako pagpatihan kag basi mangakig ang ila anak sa akon.
Galibog ang ulo ko mga bestfriends.
Ano ang maayo ko nga himuon?
Yours Truly,
Mona
