Yours Truly iFM
October 22, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Ako gali si Lenny kag may problema ako nga gusto ko pangayuan sang advice halin sa inyo.
Napatay ang akon bana three months ago pero masobra na pulo ka tuig na nagbulaganay kami.
Duha ka bilog ang amon mga kabataan kag sa kaluoy sang Diyos nakatapos na sila tanan sa pag-eskuwela.
Ang problema ko parte sa ikaduha nga pamilya sang akon bana. Gusto ko gid makuha ang tanan nga napundar sang akon bana para sa akon mga kabataan. Wala man sang ginbilin nga kasulatan ang akon bana antes siya mapatay. Nagaayo ang iya kerida nga kung puwede ibilin lang sa ila ang balay nga ginaistaran nila.
Daw wala naman ako tani nagalagas sa balay nga ginaistaran nila kay may napundar naman ako nga akon kag may income man ako. Pero indi magsugot ang akon mga kabataan.
Nagalibog ang ulo ko kung ano ang maayo ko nga himuon?
Kinahanglan ko gid ang inyo advice.
Yours Truly,
Lenny
