Yours Truly iFM
October 08, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Nagsulat ako sa inyo mga bestfriends kay may problema ako nga gusto ko pangayuan sang advice sa inyo.
Tawga niyo lang ako kay Dina, isa ka asawa kag may duha ka bilog nga mga kabataan.
Ginbulagan ko ang akon bana kay pirti sa iya kapintas kag ka-imon. Gintampa niya ako kag ginkuga sang nagab-ihan ako pauli sa amon balay. Amo man ang rason nga nagdesisyon ako nga magbulag na lang sa iya. Indi na gid ako makaaguwanta mga bestfriends kay kapila niya na ini ginhimo sa akon.
Sa subong diri ako naga-istar sa balay sang akon mga ginikanan. Gindala ko ang akon mga kabataan kay puro sila naga-eskuwela. Ginapasugtan ko man ang akon mga kabataan nga magpauli sa amon balay kada weekend para makaupod man nila ang ila amay.
Ang problema ko subong kay naga-plano ang akon bana nga i-transfer sang eskuwelahan ang amon mga kabataan.
Indi ako magpasugot nga i-transfer niya kay indi ako komportable kay puro nga daan mga babaye ang amon mga kabataan.
Kinahanglan ko gid ang inyo advice.
Yours Truly,
Dina
