Yours Truly iFM September 06, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Ako gali si Lourdes kag pirmi gid ako nagapamati sa inyo programa kada hapon.
Isa na ako ka senior citizen mga bestfriends.
Ang problema ko parte sa akon mga kabataan. Gailinaway sila parte sa ila mga palanubli-on.
Galibog ang ulo ko kung kay sin-o ko ibilin ang mga propedad nga napundar namon sang akon bana. Balo na ako mga bestfriends kag nabudlayan ako sang akon sitwasyon.
Kung ako lang ang masunod, gusto ko tani nga ibilin ko tanan sa kinamanghuran ko nga anak kay siya ang nagaatipan sa akon kag siya lang ang may tinapusan.
Indi gid ako komportable sa duha ko ka mga kabataan nga magulang kay basi maubos ang amon napundar tungod sa ila mga bisyo.
Ano ang maayo ko nga himuon?
Yours Truly,
Lourdes
