Yours Truly iFM September 10, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Good afternoon mga bestfriends!
Kabay pa nga mahatagan ninyo sang tiyempo ining akon sulat. Wala na gid ako sang madangpan maluwas sa inyo.
Tawga niyo lang ako sa pangalan nga Teray, isa ka housewife kag may apa ka mga kabataan. Sa subong diri ako nagatinir sa uma sa puluy-an sang akon mga ginikanan.
Ang problema ko parte sa akon bana kay nadakpan ko siya nga may upod nga babaye nga nagalagaw sa mall. Nakita ko gid nga sobra sa ila ka-sweet. Wala ko gid napunggan ang akon kaugalingon kag nadumugan ko gid ang babaye.
Nagdesisyon ako nga magbulag sa akon bana kag magpuli na lang sa panimalay sang akon mga ginikanan. Indi ko gid mabaton ang ginhimo sang bana ko sa akon.
Ang problema ko pa gid kay tungod sa ginhimo ko, ginpa-blotter pa ako sang iya kerida.
May kaya abi ang pamila sang kerida.
Ano ang maayo ko nga himuon?
Kinahanglan ko gid ang inyo advice.
Yours Truly,
Teray
