Yours Truly iFM September 12, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Good afternoon mga bestfriends!
Nagsulat ako sa inyo kay wala na ako sang mapangayuan sang advice kay tanan nga mga tawo sa palibot ko indi pabor sa akon gusto. Mismo ang mga ginikanan ko nga gina-expect ko nga masuporta sa akon, sila mismo ang disgusto kag kontra sa akon desisyon.
Ako gali si Jenny kag isa ako ka government employee.
Ang problema ako parte sa akon nobyo. Indi pabor ang akon pamilya sa iya tungod indi maayo ang history sang iya mga ginikanan. Separated ang parents sang akon boyfriend. Pero proud ako sa akon nobyo kay ginhimo niya gid ang tanan para maplastar ang iya kaugalingon. Nakatapos siya sang pag-eskuwela paagi sa iya paghimakas hasta nakakita sang stable job.
Indi ko maintindihan ang ila rason kung ngaa indi sila tanan boto sa akon nobyo.
Indi ko basta-basta na lang matalikdan ang akon nobyo kay kadalum na sang amon relasyon kag may mga plano na kami nga duha para sa amon future.
Gusto ko gid siya ipakigbato kay gapati ako nga wala man siya ya sang kalabtanan sa natabo sa iya nga parents.
Husto bala ang akon himuon?
Kinahanglan ko gid ang inyo advice.
Yours Truly,
Jenny
