*Yours Truly iFM*
*September 18, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Good afternoon mga idol!
Mga idol, nagsulat ako sa inyo kay wala na gid ako sang masugiran sang akon problema.
Tawga niyo lang ako kay Nene, 22 years old kag nagapuyo diri sa Brgy. Sinikway, Lapuz, Iloilo City.
May live-in partner ako mga idol kag magka-edad lang kami. Classmate ko siya sang high school. First love ko siya mga idol. May isa na kami nga bata nga babaye nga subong three years old na.
Sang bag-o pa lang kami maayo pa man ang amon pag-updanay, pero samtang nagadugay naga-guwa na ang matuod niya nga batasan.
Ginasakit niya ako kag ginainsulto bisan sa atubang sang iya pamilya kag sa iban nga mga tawo. Wala man gapakialam ang iya pamilya labi na ang iya lola kung mag-away kami. Patago man abi kung sakiton niya ako.
By the way, diri kami subong gaistar sa balay sang iya lola kay ang pamilya sang akon live-in partner ato na tanan sa US. Kapila ko na ginhagad ang akon live-in partner nga mangita kami sang amon ilistaran pero indi siya magsugot. Ang rason niya nga i-take advantage kuno namon ang chance nga buhi pa ang iya lola kag samtang may sustento pa halin sa Amerika.
Handum ko gid sang pamilya nga buo mga idol kay halin ako sa broken family. Pero sa sitwasyon ko subong, daw indi na gid ako kaaguwanta.
Galibog ang ulo ko mga idol. Ano ang maayo ko nga himuon?
Yours Truly,
Nene
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
