*Yours Truly iFM*
*September 22, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Good afternoon mga idol!
Mga idol, pirmi gid ako nagapamati sa inyo programa humalin pa sang una.
Ako gali si Ronald, 35 years old kag isa ka single father.
Ang problema ko mga idol parte sa akon nga ex-wife. Naglakat siya sa abroad kag nakibot na lang ako nga natapos na ang inyo kontrata pero wala siya nagpauli sa amon lugar. Nabalitaan ko na lang nga nag-upod gali siya sa iban nga lalaki. Nakita ko sa Facebook nga may bata na sila kag diri man lang sila nagaistar sa isa ka lugar sa Iloilo Province.
Bisan masakit ang iya ginhimo sa akon, ginpabay-an ko na lang mga idol kay gapati ako nga budlay piliton ang tawo nga indi na sa imo. Nag-focus na lang ako sa akon trabaho kag ginbuhos ko na lang ang tanan ko nga oras sa pagpadaku sang akon anak nga subong 16 years old.
Nakibot na lang ako nga nag-message ang akon ex-wife kag gusto niya kuhaon ang bata kay sila kuno sang bag-o niya nga bana ang mapa-eskuwela.
Ginsabat ko siya nga indi ako magsugot. Nag-inaway kami kag ang malain pa kay naga-intra na ang iya bana. Sa subong wala untat ang message nila sa akon kag kung ano na lang nga pamahog ang ginahimo nila sa akon.
Natamad ako sang gamo mga idol. Amo man na ang rason kung ngaa wala ko na sila ginhingabot bisan sala kag masakit ang ginhimo nila sa akon.
Ano ang maayo ko nga himuon mga idol?
Yours Truly,
Ronald
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
