Human sa kapin usa ka tuig nga nagatubang kita niining pandemya, daghan ang mga adjustments nga atong kinahanglan buhaton.
Social distancing, blended learning ug work from home, kini maoy sagad sa mga kabag ohan nga atong kinahanglan atubangon aron makapadayon sa atong new normal life.
Dako sab og tabang ang social media sa atong pang adlaw adlaw nga kinabuhi ilabina tong mga panahon nga naka lockdown kita sa atong mga panimalay. Apan duna sab uban nga gihimo kining oportunidad aron mas mahimong creative sa mga gasa nga gihatag kanato sa Ginoo.
Tuig 2018 nagsugod og youtube account si Julia diin matod niya for fun lang kini ug gihimo niyang gawsanan sa iyang frustrations tungod buot unta niini mahimong Masscom student.
“Since akoang first love gyod is make up, gi try lang gyod nako mag vlog about make up ug walay tingog, kanang make up ra gyod. Dili pa kaayo ko okay sa pag edit ato kanang baguhan pa ko. Sobra ka supportive sa akong friends and family and okay man pud ang views ato so nagpadayon na ko kay ana sila naa daw potential mahimong vlogger. So continue lang ko nagsunod sa ilang mga advices.”
Sa karon aduna nay 8 thousand subscribers si Julia sa Youtube diin matod pa niya wala kini nakatuo kay lagi lingaw-lingaw lang ang iyang mga video content.
Isip Youtuber kinahanglan mahimong creative aron mas makakuha og views diin gigamit sab niya kining pamaagi aron makaagni sa kapwa niyang batan on ug uban pang life hacks nga makatabang sab sa uban niyang viewers.
March 2020 ang unang video niini nga nagbaton og kapin 200 thousand views nga gititulohang “Paano ako pumayat in just 1 Month”
“Wala ko nag expect nga mag boom diay to nga video kanang normal day lang nga nag film ko ato, nag kwento ko about it. Na pressure pud ko kay ang mga comment sa mga tao kay “pwede ka mag upload ng ganito next” ug didto na nagpadayon”
Karon nga daghan na og viewers si Julia duna na sab kini Youtube sweldo.
“Gibutang nako siya sa bank, mag save tapos mag (tukod og) business, online selling ana.”
Isip usa ka intern, nagpadayon gihapon si Julia sa iyang pagskwela ug pag upload og videos sa youtube account. Matod pa niya “time management is the key”
“Dili gyod mawala ang pressure or mag give up, naa gyoy times nga mag give up ta sa sobra ka kapoy. Naa man gud koy ginaset nga goal like sa usa ka week dapat naa koy ma upload”
Duna sab tambag si Julia sa uban pang mga batan-on nga sa pagkakaron padayon pang nagkab-ot sa mga damgo sa kinabuhi ilabi na karon sa pandemya.
“Himoa kung unsa ang inyong gusto, ayaw i-mind ang mga tao nga nakapalibot sa imo. Kung unsay imong gusto, go. Himoa lang ang tama as long as wala kay ginaapakan nga laing tao. Don’t forget to pray tapos ask lang og guidance kay Lord”
Giingon pa gani sa 1 Timothy 4:12
Ayaw tugoti nga bisan kinsa magatamay sa imong pagkabatan-on; apan
magmapanig-ingnan ikaw kanila sa mga mingtoo, sa pulong, sa gawi sa kinabuhi, sa gugma, sa pagtoo, sa kaputli.
Kitang tanan dinhi sa kalibotan wala nasayod kung hangtod kanus-a ang atong timeline busa mahinungdanon nga gamiton nato ang ang atong kinabuhi nga mangalagad sa Ginoo ug sa ubang tao. Gamiti ang higayon, talento ug ang oras nga gihatag kanimo sa Ginoo aron wala kitay mahayan pagabot sa panahon.
Luyo sa imong pangidaron karon padayon nga pagpagamit sa Ginoo kay wala ka nasayod nga duna diay uban nga naglantaw sa imong pagtubo ug gihimo kang inspirasyon ngadto sa pag kab ot usab sa iyang mga damgo sa kinabuhi.
RadyoMaN Abi Bibera
