Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Ang usa ka plano o pangandoy nanginahanglan ug dobleng pagdasig, ug sa proseso sa imong pagpaningkamot imong masinati nga mawala ang mga babag nga naa sa imong hunahuna. Magpabilin nga positibo.
TAURUS: (Abril 20-Mayo 20) – Usahay magduha-duha ka na usabon ang mga butang tungod ang sa presyur niini, apan kahibalo ka na dili madugay maanad raka. Ang presyur mu-doble, busa kinahanglan na mulihok ka sa labing daling panahon.
GEMINI: (Mayo 21-Hunyo 21) – Usa ka tao ang nanginahanglan ug tabang gikan kanimo. Ayaw hunahunaa nga kung mutabang ka, magsalig na sila kanimo. Ang usa ka tao dili muhangyo kung wala kni nanginahanglan ug maayo.
CANCER: (Hunyo 22-Hulyo 22) – Usa ka sitwasyon magdala ug maayong oportunidad, makita nimo nga adunay tsansa nga gamiton nimo ang imong ideya nga pamilyar aron solbaron kini. Ayaw pagdali ug mas maayo murisgo ug lain nga pamaagi, ubanan ug positibo na panghunahuna.
LEO: (Hulyo 23-Agosto 22) – Imong malantaw nga daghan ug rason karon na mahimong dili pabor ang mga nakapalibot kanimo, bisan pa sa imong paningkamot. Mas maayo nga mususi ka ug maayo sa sulod sa sitwasyon ug pangitaon nimo ang mga tao nga makasabot, naa ra sa imong duol kining mga tawhana.
VIRGO: (Agosto 23-Setyembre 23) – Dakong tabang kung walaon nimo sa imong hunahuna ang magduha-duha nga mutabang para sa kaayuhan sa usa ka sitwasyon. Ma-intriga ka sa posibilidad nga dako ka ug mahimo sa proseso, ang pag-amping ug pag-pokus sakto na nga hinabang gikan kanimo.
LIBRA: (Setyembre 24-Oktubre 23) – Naay mga pagusab nga imong nasinati sa imong kinabuhi nga naghatag kini og sinyales para sa usa ka butang nga dugay ra nimo ganahan makompleto. Apan ginagmay ra gyud nang mga butanga. Para ma kompleto ang usa ka butang, moagi pa gyud na og taas nga proseso. Sa iningles pa, “one at a time.”
SCORPIO: (Oktubre 24-Nobyembre 22) – Sweet man kaayo ka ngadto sa iyaha og tungod niana adunay mabuo nga koneksyon ninyong duha. Pero maabot ra gihapon sa punto nga dili nani ma appreciate niya. Nasakitan na hinoon ka! Nag expect man ka og maayo gud.
SAGITTARIUS: (Nobyembre 23-Disyembre 21) – Puno ka sa kalibog sa mga panghitabo sa imong kinabuhi. Grabe na kaayo ka og effort og oras na imong gi gahin para lang sa usa ka butang apan naka realize ka nga wala ra gihapoy silbi ang tanan. Maypag mo pokus nalang ka sa mga butang nga sure pa.
CAPRICORN: (Disyembre 22-Enero 19) – Bisan pa og paningkamot nimo og maayo para makuha lang ang usa ka butang mahulog ra gihapon na sa wala. Imo kining gihatag sa lain ang oportunidad apan wala gihapoy silbi ang tanan. Kinahanglan nalang gyud nga tas-an nimo ang imong pasensya kay ang saktong panahon mo abot ra gyud na.
AQUARIUS: (Enero 20-Pebrero 18) – Makalambigit ka og mga bulohaton sa usa ka grupo og responsable ka sa maong bulohaton. Apan di nimo kinahanglanon nga ikaw maoy mo buhat sa tanan kay unsaon man pagkat-on sa uban kung ikaw ray mo lihok sa tanan?
PISCES: (Pebrero 19-Marso 20) – Naa kay daghan kaayo nga gibuhat og imo gyud kining ginaningan. Apan ang usa lang gyud ka problema kay wala kini nakita sa uban og wala nila gihunahuna ang imong mga kaagi. Ana man gyud na usahay nga mura og gugma ba. Bisan pa og grabe nimo nga paningkamot, kung dili gani siya nimo, wala ra gihapon nay pulos ang tanan.
Mao kadto ang atoang LeenoWag Horoscope alang sa adlaw nga Martes, Agosto 21, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. Photo gikan sa web. (Sinulat ni DJ Leeno Gaw ug Boss Luwag)
