455 ka bag-ong Police Officer 1 sa Police regional Office 9 ang gikatakda nga i destino ug ipakatap sa Regional Mobile Forces Battalion 9 ug Provincial/City Public Mobile Forces Battalion kini ang gipahibalo human sa ilang seremonya didto sa Camp Col Romeo A Abendan, Mercedes, Zamboanga City dili palang dugay.
Si PSSUPT Romulo Cleve N Taboso, hepe sa Regional Personnel ug Human Resource Development Division (RPHRDD), nagkanayon nga 102 ka mga bag-ong PO1 ang i destino sa Regional Mobile Forces Battalion 9 ug 101 sa Zamboanga City Mobile Forces Battalion samtang 101 ang ipakatap sa Zamboanga Del Norte Provincial Mobile Forces Company.
Sa laing bahin, 75 usab ang mo paingon sa Zamboanga Del Sur Provincial Mobile Forces Company ug 74 sa Zamboanga Sibugay Provincial Mobile Forces Company samtang duha usab sa Isabela City Police Station.
Sa gihatag nga mensahe ni PSSUPT Romulo Cleve N Taboso, gidasig niya ang mga pulis nga kinahanglan duol ang ilang kasing-kasing sa publiko. Iya usab nga gipahinumduman ang mga pulis nga sila ang Front Row sa PNP sa mata sa publiko ug ang imahe sa maayong Police Officer kinahanglan nga makita sa katawhan.
Ang maong mga bag-ong Police personnel naka kompleto na kini sa unom (6) bulan nga Public Safety Basic Recruit Course (PSBRC) ug unom (6) ka bulan nga Field Training Program (FTP).
Dugang pa nga ang 455 ka police Officer naka pailawon usab kini sa 60 diyas nga Basic Internal Security Operation Course (BISOC) training, usa kini ka revision sa 45 diyas nga Special Counter-Insurgency Operations Unit Training (SCOUT).
Ang BISOC training ge disenyo kini aron ma equip ang bag-ong breed nga kapulisan uban sa kahibalo, batasan, skills ug values aron nga makasarang ug skilled kung sila ma destino sa public safety forces.
